Yes3ed Sba7ak

يسعد صباحك ياحبيبي حالي طيب ..
كل شيء مثل اللي كان ..
المدامع والمواجع ..
والأمان اللي اختفى لحظة غيابك ..
والليالي اللي مضت .. مثل الليالي اللي مضت ..
الهم عازف والدمع نازف ..
والعمر في غيبتك حاير وخايف ..
حتى جراحك وسط قلبي مثل ماهي ..
وفي شفاهي باقيٍ نفس الكلام اللي بقى ..
آخر لقى ..
مثل ما انته ياحبيب الروح شايف ..
كل شيء مثل اللي كان ..
وحالي طيب ..
يسعد صباحك ياحبيبي

~~~

هذا انت .. كل ماضاقت بي الدنيا تغيب ..
وكل ماضاقت بك الدنيا تجيني ..
هذا انت .. ان كساك الهم صرت اوفى حبيب ..
وان نساك الهم تتباهى بحنيني ..
دايم تجي بوقتك حبيبي بعد ماوقتك يروح ..
يا آخر دموعي وشجوني
واول احساسي جروح ..
مابقى بي من عذابي ياحبيبي
الا انت .. وهذا انت ياحبيب الروح شايف ..
كل شيء مثل اللي كان ..
وحالي طيب ..
يسعد صباحك ياحبيبي ..

~~~

هذا ضي الصبح اوهو بعض نورك
هذا همس الورد او دافي شعورك ؟؟
منهو مثلك في غرورك
جيت متأكد بسامح ..
راسم الطيبة ملامح ..
ماهو بدري ؟؟
انته تدري ماقتلني غيابك اكثر من حضورك ..
ايه كان العمر داكن
ايه كان الهم ساكن ..
وقتي بعدك .. بس انا ياضي عمري ..
كنت عودت الاماكن تألف بعادك وصدك ..
ياللي مايرضيني ضعفك ..
مادري انثر فوق كتفك اغلى دمعي ..
او اردك ؟؟!!
يسعد صباحك

~ الأميــر :: عبدالرحمن مســاعد~